“Барса” ва “Реал” Регилон учун курашмоқда
Ҳимоячи Серхио Регилон “Тоттенҳем”ни тарк этиб, Ла Лигага қайтиши мумкин.
Журналист Фабрицио Романонинг сўзларига кўра, испаниялик футболчига Европанинг бошқа бир қатор жамоалари қатори “Барселона” ҳам қизиқиш билдирмоқда. Бироқ ҳозирча футболчи учун курашда аниқ фаворит йўқ.
Шу билан бирга, “Реал Мадрид” бу ёзда Регилонни сотиб олиш ҳуқуқига эга. Шундай бўлган тақдирда клуб футболчи учун тахминан 40 миллион евро тўлашлари керак бўлади.
Маълумот ўрнида: 25 ёшли ҳимоячи жорий мавсумда АПЛда 22 ўйин ўтказиб, 3 та голли узатмани амалга оширди.
Аввалроқ, “Ювентус” футболчисига инглизлар қизиқиш билдираётгани ва “Виляреал” Серж Оре билан шартнома имзолагани ҳақида хабар берилганди.
Жамшидбек Амиров
