Google ирқчиликда айбланди
Бу бўйича судга даъво киритилган.
Google собиқ ходими компания устидан Калифорния судига даъво киритди. Бу ҳақда "РИА Новости" хабар берди.
Даъвогар 2014-2020 йилларда Google'да ишлаган. У шу йиллар оралиғида қора танлиларга ишга жойлашишга ёрдам берган.
Собиқ ходимнинг сўзларига кўра, компания атайин ирқий камситишларга йўл қўйган. Хусусан, қора танлиларга нисбатан паст лавозимлар таклиф қилинган, уларнинг хизмат даражасининг ўсиши ҳам секин бўлган. Бундан ташқари, суҳбатларда уларга атайин қийин саволлар берилган.
The New York Times'нинг ёзишича, 2021 йилда Google ходимларининг атиги 4.4 фоизи қора танлилардан иборат бўлган. Бу эса умуммиллий кўрсаткич — 9.1 фоиздан анча паст.
Эслатиб ўтамиз, аввалроқ Tesla ҳам ирқчиликда айбланганди.
