Левандовски ҳали мюнхенликларга керак

 

 

“Бавария” президенти Герберт Хайнер мюнхенликлар ҳужумчиси Роберт Левандовскининг клубдаги келажаги ҳақида фикр билдирди.

 

“Роберт Левандовскининг келажаги ҳақида нима дея оламан? Аввало, унинг шартномаси 2023 йилгача мўлжалланганлигини таъкидлаш лозим. Биз доимо Робертни жуда қадрлашимизни таъкидлаймиз: у дунёнинг энг яхши ўйинчиларидан бири ва унинг таркибда бўлиши биз учун катта устунлик беради. Клуб раҳбарияти у билан доимий алоқада. Биз Левандовски билан музокараларда чалғитишимизга йўл қўймаслигимиз керак, музокаралар ҳолати ҳақида доимий равишда ОАВга хабар бериб туришимиз шарт эмас. Эълон қиладиган нарса бўлиши билан биз буни қиламиз ", - дея “Bild” нашри Хайнернинг сўзларидан иқтибос келтирди.

 

Эслатиб ўтамиз, 33 ёшли Левандовски 2014 йилда “Бавария”га ўтган эди. Жорий мавсумда ҳужумчи барча турнирлар доирасида 41 та ўйинда майдонга тушиб, 47 та гол урди ва 4 та голли узатмани амалга оширди.

 

Аввалроқ, Лионел Месси коронавирус юқтириб олгани ҳақида хабар берилганди.

 

Жамшидбек Амиров