1 сентябрга қадар 2 қаватли мунтазам туристик автобуслар қатнови йўлга қўйилади

 

Видеоселектор йиғилишида Президент транспорт харажатларининг юқорилиги хорижий туристларни жалб қилишда асосий тўсиқлардан бири бўлиб қолаётганини танқид қилди.

 

Транспорт вазирлигига бир ой муддатда бажарилиши лозим бўлган топшириқлар берилди:

 

 Хусусан, «Афросиёб» тез юрар поездининг Шаҳрисабзгача ҳаракати қайта тикланади.

 

1 сентябрга қадар ҳар куни 2 мингдан зиёд сайёҳга тарихий масканларни айланиб чиқиш имконини берадиган 2 қаватли мунтазам туристик автобуслар қатновини йўлга қўйишга кўрсатма берилди.

 

1 октябрга қадар маҳаллий авиақатновларга мўлжалланган янги «Силк авиа» авиакомпанияси ташкил этилади.

 

Йиғилишда хорижий ва ички сайёҳларнинг авиақатновларга талабини қондириш бўйича қатор вазифалар белгилаб берилди: 

 

● 1 июлдан «Зиёрат туризми» дастури доирасида хорижий авиакомпанияларга кўрсатиладиган хизматларга 50 фоизгача чегирмалар жорий қилинади;

● йил якунигача маҳаллий авиақатновлар сони ҳафтасига 48 тадан 60 тага, туташувчи қатновлар сони 4 тадан 6 тага етказилади;

● авиаташиш харажатларини камайтириш мақсадида 9 та самолёт тўлиқ эконом-классга ўтказилади (бунда тарифлар 20 фоизга арзонлашади).