“Челси”ни америкалик тадбиркор сотиб олмоқда
Келишув жараёни май ойининг охирига қадар якунланиши кутилмоқда.
“Челси” клуб акцияларини америкалик тадбиркор Тодд Боэлига сотиш шартларини келишиб олган ҳақида баёнот берди.
“Челси” футбол клуби Тодд Боэли, “Clearlake Capital”, Марк Уолтер ва Хансйорг Висс бошчилигидаги гуруҳ томонидан клубни сотиш шартларини келишилганини тасдиқлади.
Жами сармоядан 2,9 млрд евро клуб акцияларини сотиб олишга сарфланади. Бундан ташқари, янги хўжайинлар клуб манфаати учун қўшимча 2 млрд евро сармоя киритади. Бунга, “Стемфорд Бриж”, академия, аёллар жамоаси ва “Кингсмедоу” (аёллар жамоаси стадиони), шунингдек, “Челси” фондини қўшимча молиялаштириш киради. Сотиш жараёни май ойининг охирларида якунланиши кутилмоқда.
Аввалроқ, “Барса”нинг таклифи рад этилгани ҳақида хабар берилганди.
Жамшидбек Амиров
