Эрик тен Хаг Роналдунинг ўйинига қойил қолди
Мураббий футболчининг "Манчестер Юнайтед"да қолишини истамоқда.
"Манчестер Юнайтед"нинг бўлажак бош мураббийи Эрик тен Хаг ҳужумчи Криштиану Роналдунинг жорий мавсум якунланганидан кейин жамоада қолишини истамоқда. Бу ҳақда “The Sun” нашри хабар берди.
Манбага кўра, голландиялик мутахассис Англия премьер-лигасининг сўнгги турида “Брентфорд”га қарши баҳсда Роналдунинг ўйинига жуда қойил қолган ва Криштиану каби муҳим футболчини йўқотиш номақбул деб ҳисоблайди.
Роналду жорий мавсумда АПЛда 29 та ўйинда майдонга тушиб, 18 та гол урди ва 3 та голга ассистентлик қилди. Шунингдек, ҳужумчи UEFА Чемпионлар лигасининг 7 та ўйинида 6 та гол уришга муваффақ бўлди.
Эслатиб ўтамиз, Эрик тен Хаг мавсум якунида "Манчестер Юнайтед"ни қабул қилиб олади.
Аввалроқ, халқаро ташкилот Роналду билан ҳамкорликни тўхтатгани ҳақида хабар берилганди.
Жамшидбек Амиров
