Погбанинг трансфери сўроқ остида қолмоқда
Футболчи Турин клубига ўтса, маошини 2 баравар камайтириши мумкин.
“Манчестер Юнайтед” клуби ярим ҳимоячиси Пол Погба Туриннинг “Ювентус” клубига ўтиши учун маошини икки баравар камайтиришга тайёр. Бу ҳақда журналист Алфредо Педулла ўзининг ижтимоий тармоқдаги саҳифасида хабар берди.
Қайд этилишича, инглиз клубида ярим ҳимоячи йилига тахминан 15 миллион евро маош олади. “Ювентус” эса йилига 7-8 миллион евродан кўп бўлмаган маош, шунингдек, бонусларни таклиф қилмоқда.
Эслатиб ўтамиз, Пол Погба жорий мавсумда “Манчестер Юнайтед” сафида барча турнирларда 27 та ўйинда майдонга тушди. Шу вақт ичида у битта гол урди ва 9 та голли узатмани амалга оширди. Унинг инглиз клуби билан шартномаси 2022 йилнинг 30 июнига қадар мўлжалланган.
Аввалроқ, тиниб-тинчимас парижликлар Бенземани қўлга киритмоқчи эканлиги ҳақида хабар берилганди.
Жамшидбек Амиров
