Мбаппенинг кетиши ҳеч нимани ўзгартирмайди

 

Агар Килиан Мбаппе жамоани тарк этса, парижликлар лиссабонлик ҳужумчи Дарвин Нунесни ўз сафига қўшиб олишга ҳаракат қилади. Бу ҳақда “Marca” нашри хабар берди.

 

Уругвайлик ёш футболчини Париж клуби раҳбарлари клуб юлдузи Килиан Мбаппенинг ўрнини босувчи номзод сифатида кўрмоқда.

 

“ПСЖ” футболчи учун курашда “Барселона”, "Атлетико Мадрид" ва "Манчестер Юнайтед"га қарши кураш олиб боради.

Манбага кўра, Нунеснинг “Бенфика” билан шартномасидаги товон пули 150 миллион евро қилиб белгиланган.

 

Ҳужумчи жорий мавсумда “Бенфика” сафида 41 та ўйинда майдонга тушиб, 34 та гол урди ва 4 та голли узатмани амалга оширади. Трансфермаркт 22 ёшли футболчини 40 миллион еврога баҳоламоқда.

 

Аввалроқ, инглиз жамоаси Килиан Мбаппени текинга сотиб олмоқчи эканлиги ҳақида хабар берилганди.