Италия 2024 йилда Россия газидан тўлиқ воз кечади
Италия бошқа мамлакатлардан газ оладиган бўлди.
Италия бош вазири Марио Драги мамлакат 2024 йилнинг иккинчи ярмигача Россия газисиз яшай олиши мумкинлигини айтди.
“Ҳукумат ҳисоб-китоблари шуни кўрсатадики, биз 2024 йилнинг иккинчи ярмида Россия газидан мустақил бўла оламиз”, — деган у.
У Италиянинг Россия газидан босқичма-босқич чиқиб кетишининг самараси 2022 йил охирида пайдо бўлади, деб ишонтирган.
Италия томонидан импорт қилинадиган газнинг 40 фоизи Россия Федерациясидан келади. Бироқ Рим бу қарамликни камайтириш доирасида Жазоир, Ангола ва Конго Республикаси билан ушбу мамлакатлардан газ етказиб беришни кўпайтириш бўйича келишувларга эришди.
Италия “Газпром”нинг Германия ва Туркиядан кейин учинчи йирик экспорт бозоридир. 2021 йилда Россия Федерал божхона хизмати маълумотларига кўра, етказиб бериш 18,445 миллиард куб метрни ташкил этган.
