Италия парламенти тарқатиб юборилади
Аввалроқ мамлакат Бош вазири истеъфога чиққанди.
Италия Президенти Сержо Маттарелла парламентни тарқатиб юборишга қарор қилди. Бу ҳақда Рим матбуоти хабар бермоқда.
Маҳаллий ОАВга кўра, Италияда муддатидан олдин парламент сайловлари 18 ёки 25 сентябрда ўтказилиши мумкин. Давлат раҳбари навбатдан ташқари парламент сайловлари “70 кундан кечиктирмай” ташкил этилиши кераклигини таъкидлаган.
Аввалроқ Бош вазир Марио Драги президент Сержо Маттареллага истеъфога чиқиш ҳақида ариза берган эди. Давлат раҳбари уни Квириналск саройида қабул қилди.
Маттарелла маъмуриятининг таъкидлашича, Драги ўз лавозимида қолиш истаги йўқлигини айтиб, истеъфоси ҳақидаги аризани тақдим этган, президент эса буни тасдиқлаган.
