Мирзиёев ва Раисий Афғонистондаги вазиятни муҳокама қилади
Шунингдек, минтақада самарали транспорт йўлакларини ривожлантириш имкониятлари кўриб чиқилади.
Аввалроқ Эрон Ислом Республикаси президенти сўнгги 20 йилда илк бор Ўзбекистонга ташриф буюргани ҳақида хабар қилгандик.
Президент матбуот котибининг маълум қилишича, Шавкат Мирзиёев ва Эрон президенти Иброҳим Раисий икки мамлакат ўртасидаги кўп қиррали ҳамкорликни янада кенгайтириш масалаларини муҳокама қилмоқда.
Диққат марказида — ўзаро савдо ҳажмини ошириш, кооперацияни кучайтириш, саноат, инновациялар, қишлоқ хўжалиги, энергетика, транспорт ва логистика, бошқа устувор йўналишларда қўшма лойиҳаларни амалга ошириш.
Бундан ташқари, Икки давлат раҳбарлари Ўзбекистон ва Эрон етакчилари Афғонистонда юзага келаётган вазият масалаларини ҳам муҳокама қилади.
