Туркия Президенти Cамарқандга етиб келди
Ражаб Тоййиб Эрдоғанга рафиқаси Амина хоним ҳамроҳлик қилди.
Эрдоған Самарқанддаги ташрифини Ислом Каримов қабрини зиёрат қилиб, Қуръон тиловат қилиш билан бошлади.
Аэропортда меҳмонни Ўзбекистон Бош вазири Абдулла Арипов кутиб олди.
Ўзбекистон Республикаси Президенти Шавкат Мирзиёевнинг таклифига биноан Самарқанд ШҲТ саммитига ташриф буюрган Туркия Президенти Ражаб Тоййиб Эрдоған бошчилигидаги самолёт яқиндагина Самарқанд халқаро аэропортига қўнди.
Олий мартабали меҳмон Ҳазрати Хизр мажмуасидаги Ислом Каримов мақбарасига келиб, Биринчи Президентимиз хотирасига ҳурмат бажо келтирди ва қабрига гул қўйди.
Туркия етакчисининг ташрифи дастурида Шанхай ҳамкорлик ташкилоти Давлат раҳбарлари кенгаши мажлисида фахрий меҳмон сифатида иштирок этиш ҳамда қатор икки томонлама учрашувлар ўтказиш режалаштирилган.
