Путин: ШҲТ бутун дунё билан ҳамкорлик қилиш учун очиқ
Россия раҳбарининг сўзларига кўра, ташкилот ҳудудида миллий валюталардаги ҳисоб-китоб улуши ўсиб бормоқда.
Россия президенти Владимир Путин Шанхай ҳамкорлик ташкилоти (ШҲТ) бутун дунё билан ҳамкорлик қилиш учун очиқ эканини маълум қилди.
Самарқанддаги ШҲТ Давлат раҳбарлари кенгаши мажлисида Путин ШТҲга аъзо давлатларининг иқтисодий ҳамкорлиги мустаҳкамланаётга, турли соҳаларда савдо-инвестициявий ҳамкорлик кенгайиб бораётганини қайд эди.
Россия раҳбарининг сўзларига кўра, шу билан бирга миллий валюталардаги ҳисоб-китоб улуши ўсиб бормоқда.
“ШҲТ бутун дунё билан ҳамкорлик қилиш учун очиқ”, — деди Путин.
Самарқанд шаҳрида Ўзбекистон президенти Шавкат Мирзиёев раислигида ШҲТ Давлат раҳбарлари кенгашининг 22-мажлиси тадбирлари бўлиб ўтмоқда.
Саммит ишида ШҲТга аъзо мамлакатлар – Покистон, Россия, Тожикистон, Хитой, Ўзбекистон, Қирғизистон, Қозоғистон, Ҳиндистон, шунингдек, ташкилот ҳузуридаги кузатувчи давлатлар – Беларусь, Мўғулистон ва Эрон етакчилари иштирок этмоқда.
Фахрий меҳмон сифатида Туркия, Озарбайжон, Туркманистон ва Арманистон , шунингдек, Бирлашган Миллатлар Ташкилоти, бошқа нуфузли халқаро ва минтақавий ташкилотлар раҳбарлари таклиф этилган.
