Шавкат Мирзиёев Афғонистонга ёрдам кўрсатиш бўйича махсус фонд ташкил этишни таклиф қилди
Президент ўз чиқишида афғон муаммосига алоҳида тўхталди.
Ш.Мирзиёев ШҲТ Давлат раҳбарлари кенгашидаги чиқишида Афғонистон муаммосига алоҳида тўхталди.
Давлатимиз раҳбари Афғонистон ҳозирда ҳар қачонгидан ҳам ёрдамга муҳтожлиги қайд этилди. Ўзбекистон раҳбари ушбу мамлакатни якка қолдириш мақсадга мувофиқ эмаслигини таъкидлади.
«Афғонистонда тинчлик ўрнатилиши ва ижтимоий иқтисодий тикланиши юзасидан ҳаракатларни мувофиқлаштириш ШҲТнинг асосий йўналишларидан бири бўлиши керак», – деган Президент.
Давлат раҳбари Афғонистонга гуманитар ёрдам кўрсатиш бўйича фонд ташкил этишни таклиф қилди. Уни Термиз шаҳрида ташкил қилиш зарурлиги қайд этилди. Бу ушбу шаҳарда ташкил этилган транспорт-логистика хабининг замонавий инфратузимасидан фойдаланиш имконини беради.
Шу билан бирга Афғонистондаги инсон ҳуқуқлари масаласи муҳим экани айтилди.
