Дунёда ҳар 2 сонияда 1 киши юқумли бўлмаган касалликлардан вафот этмоқда — ЖССТ
Жаҳон соғлиқни сақлаш ташкилоти раҳбари соғлиқни сақлаш тузилмалари раҳбарларини шошилинч чоралар кўришга чақирди.
Жаҳон соғлиқни сақлаш ташкилотининг навбатдаги ҳисоботи эълон қилинди.
ЖССТ томонидан 2030 йилгача юқумли бўлмаган касалликлардан эрта ўлим кўрсаткичларини учдан бир қисмга қисқартиришга қаратилган Барқарор ривожланиш мақсадлари қабул қилинган бўлса-да, инфаркт, инсульт, саратон, қандли диабет каби ноинфекцион хасталиклар йилига 41 миллион нафар кишининг ҳаётига зомин бўлмоқда. Бу, дунёда касалликлар оқибатида қайд этилаётган ўлим ҳолатларининг деярли тўртдан уч қисмига тенг.
Шундан келиб чиқиб, ташкилот раҳбари Тедрос Гебрейесус мамлакатлар соғлиқни сақлаш тузилмалари раҳбарларини мазкур касалликларга қарши курашиш борасида шошилинч чоралар кўришга чақирди.
Аммо ҳозир саноқли мамлакатларгина ушбу ҳужжатда белгиланган мақсадлар рўёбига эришиш учун астойдил интилмоқда, холос.
