Қаршида қидирувга берилган боланинг жасади топилди
Марҳум 15 ёшда бўлган.
Қарши туманида истиқомат қилувчи 2007 йилда туғилган Т.Д. жорий йилнинг 21 сентябрь куни соат 15:00 ларда уйидан велосипед билан чиқиб кетган ва қайтиб келмаган. Шундан сўнг унинг яқинлари болани қидирувга берган.
Орадан маълум вақт ўтгандан кейин бола жасади Қарши магистраль канали ёнидан топилган.
Ҳозирда Қарши тумани прокуратураси томонидан терговга қадар текширув ҳаракатлари олиб борилаётгани айтилмоқда.
Боланинг каналдан жасади оқиб кетаётганда фуқаролар томонидан олиб чиқилгани қайд этилган. Ҳолат юзасидан тегишли экспертизалар тайинланган.
