11 давлат етакчилари Остонада йиғилади
“Марказий Осиё – Россия” саммитига Беларус президенти Александр Лукашенко ҳам кузатувчи давлат раҳбари сифатида таклиф этилган.
Президент Шавкат Мирзиёев 12-14 октябрь кунлари Қозоғистонга ташриф билан боради.
Шавкат Мирзиёев бу ерда Осиёда ҳамкорлик ва ўзаро ишонч чоралари бўйича кенгаш йиғилиши, МДҲ раҳбарлари кенгашининг навбатдаги мажлиси ҳамда “Марказий Осиё – Россия” саммитида иштирок этади.
Ташриф доирасида президент Вьетнам вице-президенти Во Тхи Ань Суан, Покистон бош вазири Шаҳбоз Шариф ва бир қатор халқаро ташкилотлар раҳбарлари билан икки томонлама учрашувлар ўтказади.
Аввалроқ Европа Иттифоқи кенгаши президенти Шарль Мишель 28 октябрда Тошкентга келиши хабар қилинган эди.
Мишель Ўзбекистонга келишдан олдин 26-27 октябрь кунлари Астанада бўлади ҳамда Марказий Осиё давлатлари лидерларининг учрашувида иштирок этади.
Остонада 26-27 октябрь кунлари ўтадиган Марказий Осиё давлатлари лидерлари учрашуви борасида ҳозирча Қозоғистон ҳам, Ўзбекистон ҳам расман маълумот бермади.
