Кийим-кечакдан то маиший техникагача... — Хатирчида савдо дўконлари ёниб кетди
Ҳодиса оқибатида 120 квадрат метр майдонда дўкон жиҳозлари ёниб зарарланган.
8 ноябрь куни соат 23:12 да Навоий вилояти Хатирчи тумани “Навбаҳор” МФЙ Аҳмад Яссавий кўчасида жойлашган савдо дўконларида ёнғин содир бўлди. Бу ҳақда ФВВ матбуот хизмати хабар берди.
Таъкидланишича, ёнғин содир бўлаётгани тўғрисида туман ФВБга хабар келиб тушган. Шунга кўра 2 та ёнғин-қутқарув экипажи 23:14 да воқеа жойига етиб борган ва ёнғин соат 23:38 да бартараф этилган.
Дастлабки маълумотларга кўра, ёнғин натижасида кийим-кечак, маиший техника, чинни-чиновор ва бошқа дўконларнинг 120 квадрат метр майдонда дўкон жиҳозлари, маҳсулотлари, шифт ва том қисми ёниб зарарланган.
Қутқарувчиларнинг тезкор ҳаракатлари натижасида ёнғиндан иморатларининг 1500 квадрат метр майдони сақлаб қолинган.
“Ҳодиса оқибатида тан жароҳати олган ва ҳалок бўлганлар йўқ. Ҳозирда ёнғинни келиб чиқиш сабаби ва моддий зарар миқдори аниқланмоқда”, — дейилади хабарда.
