Қирғизистон элчиси: “Мир” карталарига хизмат кўрсатилишининг тўхтаб қолиши вақтинчалик
Ҳозирда 13 та қирғиз банклари Россия тўлов карталари билан амалиётларни ўтказмаяпти.
Қирғиз банклари томонидан Россиянинг “Мир” карталарига хизмат кўрсатишни тўхталиши вақтинчалик ҳисобланади. бу ҳақда Қирғизистоннинг Москвадаги элчиси Гулнора-Клара Самат маълум қилди.
РИА-Новости” билан суҳбатда дипломат ушбу масала сиёсий муаммолар билан боғлиқ эмаслигини, гап техник томонда эканини таъкидлаган.
“Катта жараёнлар юз бермоқда, Фикримча, бу вақтинчалик. Молия дунёсидаги инсонлар қандайдир ечим топишади”, – деган элчи.
Октябрь ойидан бошлаб қирғиз банклари “Мир” карталарига хизмат кўрсатишни тўхтатди. Ҳозирда республиканинг 13 банкида бу жараён тўхтатиб қўйилган. Таҳлилчилар бу АҚШ иккиламчи санкцияларига тушиб қолиш билан боғлиқ хавотирлар сабабли юз берганини айтмоқда.
