«Маймун чечаги» номи ўзгардими?
Бу ҳақда ЖССТ маълум қилди.
Жаҳон соғлиқни сақлаш ташкилоти маймун чечаги (monkeypox) номини ўзгартирганини маълум қилди.
Бундан буён ушбу касаллик mpox (monkeypox қисқартмаси) деб аталади. Қайд этилишича, ушбу ном инглиз тили билан бирга, бошқа тилларда ҳам қўлланилади.
Эски ном («маймун чечаги») баъзида ирқий ва камситиш мақсадларида қўлланилгани учун ҳам ташкилот касалликни қайта номлаган.
Маълумот ўрнида, mpox — хавфли вирусли касаллик бўлиб, шу йил қатор мамлакатларда тарқалган эди.
