173 фоизлик ўсиш. Россия газни асосан қаерга экспорт қилаётгани маълум бўлди
Украина можаросидан кейин Европа Москвадан газ сотиб олишни кескин камайтирганди.
2022 йилнинг дастлабки 10 ойида Россиядан Хитойга газ экспорт қилиш ўтган йилнинг мос даврига нисбатан 173 фоизга кўпайган. Бу ҳақда ХХРнинг Москвадаги элчиси Чжан Ханьхуэй маълум қилди.
“Жорий вазиятда Хитой-Россия ҳамкорлигининг янги истиқболлари кўринмоқда. Биз икки давлат ўртасидаги газ бўйича ҳамкорликни ўзаро манфаатли асосларда... ривожлантиришга тайёрмиз”, – деган дипломат.
Элчи Хитой дунёдаги энг йирик газ истеъмолчисига айланганини таъкидлаган. У мамлакат “мовий олов” импортини оширишда катта салоҳиятга эгалиги қайд этилган.
Украинадаги уруш оқибатида рус газининг энг йирик импортёри бўлган Евроиттифоқ Москвадан ёқилғи сотиб олишни камайтирди. Натижада РФ Осиё бозорларига экспортни оширган.
