Twitter янги инвестициялар қидирмоқда
Илон Маскнинг твитлар устидан назоратни кучайтириши компания даромадларининг қисқаришига сабаб бўлган.
Twitter реклама берувчиларнинг оммавий кетиши ва қарз тўловларининг яқинлашиб қолиши ортидан янги инвестициялар қидирмоқда. Бу ҳақда Semafor портали хабар берди.
Унинг маълумотларига кўра, компания эгаси Илон Маскнинг оилавий офиси директори Жерад Бёрчалл шу ҳафтада эҳтимолий инвесторларга компания акцияларини 54,2 доллардан сотиб олишни таклиф қилган.
Twitter’ни сотиб олиш учун 1 миллион доллар сармоя киритган Росс Гербер пайшанба куни унга юқоридаги таклиф билан чиқишганини маълум қилган.
Reuters агентлиги маълумотларига кўра, Маскнинг твитлар устидан назорати кўплаб реклама берувчиларда ишончсизлик уйғотган. Бу компания даромадларига жиддий таъсир кўрсатди.
