Санкт-Петербургда МДҲ раҳбарларининг норасмий саммити ўтказилади

 

26-27 декабрь кунлари Санкт-Петербургда Мустақил Давлатлар Ҳамдўстлиги (МДҲ) давлатлари раҳбарларининг норасмий учрашуви бўлиб ўтади Бу ҳақда МДҲ ижроия қўмитаси раиси Сергей Лебедев маълум қилди.

 

“Кейинги ҳафта МДҲга аъзо давлатлар раҳбарларининг Санкт-Петербургда муҳим норасмий учрашуви бўлиб ўтади. Россия президентининг таклифига биноан бу учрашув 26-27 декабрь кунлари бўлиб ўтади. Умид қиламизки, бу бизнинг ҳамкорлигимизга қўшимча туртки беради”, — деди Лебедов.

 

Аввалроқ Россия президентининг халқаро ишлар бўйича ёрдамчиси Юрий Ушаков декабрь охирида Санкт-Петербургда МДҲ мамлакатлари раҳбарларининг норасмий саммитини ўтказиш режалаштирилаётганини маълум қилган эди, бироқ аниқ санага ойдинлик киритмаган эди.

 

Эслатиб ўтамиз, 7 октябрь куни Россия президенти Владимир Путин ташаббуси билан Санкт-Петербург шаҳрида МДҲ давлат раҳбарларининг норасмий учрашуви бўлганди. Саммитда Беларусь президенти Александр Лукашенко, Озарбайжон президенти Илҳом Алиев, Ўзбекистон президенти Шавкат Мирзиёев, Тожикистон президенти Эмомали Раҳмон, Туркманистон президенти Сердар Бердимуҳамедов, Қозоғистон президенти Қасим-Жомарт Тоқаев, Арманистон бош вазири Никол Пашинян қатнашган эди. Унда кўп томонлама ҳамкорлик ва минтақавий шерикликнинг муҳим жиҳатлари муҳокама қилинганди.