Хитой чегаралари очилиши 2023 йилнинг асосий воқеаси бўлади—The Economist
Аммо бу энергия манбалари нархи янада ошишига олиб келиши мумкин.
The Economist журнали 3 йиллик изоляциядан сўнг Хитой чегаралари очилгани 2023 йилнинг энг йирик иқтисодий воқеаси бўлиши ҳақида ёзмоқда. Чегаралар очилиши жаҳондаги талабга таъсир қилиб, энергия манбалари нархи ошишига олиб келиши айтилмоқда.
Таҳлилчилар биринчи кварталда Хитой иқтисодиёти қисқариши мумкинлиги, аммо тез орада кескин ўсишини тахмин қилмоқда.
Натижада 2024 йил биринчи кварталида ЯИМ 2023 йилнинг шу даврига нисбатан 10 фоиздан кўпроқ ўсиши мумкин. Шундай қилиб, бу даврда Хитой мустақил равишда дунё иқтисодиёти сезиларли ўсишини таъминлаши мумкин.
Шунга қарамай, бу кўплаб давлатларда инфляция ва процент ставкалари, шунингдек, дунёда энергия манбалари нархи ўсишига олиб келиши мумкин.
