Эстония Россиянинг музлатилган активларини мусодара қилиш режасини ишлаб чиқади
Мамлакатда россияликларга тегишли 20 миллион евролик бойлик музлатиб қўйилган.
Эстония январь охирида Россия активларини мусодара қилиш режасини тақдим этмоқчи. Бу ҳақда Bloomberg агентлиги хабар берди.
Мамлакат ташқи ишлар вазири Михкель Таммнинг сўзларига кўра, декабрда тегишли вазирликларга музлатиб қўйилган мулкларни мусодара қилиш режасини ишлаб чиқиш бўйича топшириқ берилган. Қонунчилик базаси шу ой охиригача яратилади.
Ўтган ойда Эстония бош вазири Кая Каллас ЕИ давлатларини Россия активларидан фойдаланишни давом эттиришга чақирганди. Таллин мусодара қилинган бойликларни Украина бериш ниятида.
Эстонияда россияликларга тегишли 20 миллион долларлик мулклар музлатиб қўйилган. Шунингдек, Евроиттифоқда РФ Марказий банкининг 300 миллиард евролик активларига тақиқ қўйилган. Ҳозирда уларни мусодара қилиш устида иш олиб борилмоқда.
