0
Шаҳзода Гаррининг китоби рекорд даражада сотилди
Ҳозирда қўшимча нашрга буюртмалар берилган.
Британия шаҳзодаси Гаррининг автобиографияси — «Spare» АҚШ, Канада ва Буюк Британияда 1,43 миллион нусхадан ортиқ сотилган. Бу ҳақда «Коммерсант» нашри ёзмоқда.
Сотувнинг биринчи кунидаёқ китобнинг қоғоз ва электрон форматдаги 1,43 миллиондан ортиқ инглиз тилидаги нусхалари харид қилинган. Бундай кўрсаткич нашриёт учун рекорд бўлди. АҚШда Британия шаҳзодаси автобиографиясига бўлган бундай юқори талаб фонида нашрга қўшимча партия юборилган.
Шаҳзода Гаррининг испан тилидаги китоби хатолик туфайли 5 январь куни сотувга чиққан. Ғарб ОАВлари томонидан эълон қилинган китобда Британия шаҳзодасининг қироллик оиласидаги муносабатлари ва Афғонистондаги хизмати баён қилинган.
