2023 йилда глобал иқтисодий ўсиш пасаядими?
ХВЖ директори бу бўйича прогнозларни очиқлади.
2023 йил оғир бўлади, аммо иқтисодиёт бутунлай синмайди. Бу ҳақда Халқаро валюта жамғармаси директори Кристалина Георогиева маълум қилди.
Глобал иқтисодиётда ўта мураккаб давр давом этаётган бўлса-да, ХВЖ ўсиш кўрсаткичларини пасайтирмоқчи эмас. Ҳозирда 2023 йилда иқтисодий ўсиш 2.7 фоизни ташкил қилиши прогноз қилинмоқда.
Георгиеванинг сўзларига кўра, бу йил ҳам глобал миқёсда инфляция устидан ғалаба қозонилмайди. ХВЖ директори дунё инқирозларга аввалгига қараганда анча чидамли эканини таъкидлаган. У иқлим фожиалари, кучли киберҳужумлар ва Россия-Украина урушидаги кескин эскалацияга тайёр туришга чақирган.
Шу билан бирга нефть нархининг кескин ошиб кетиши бўйича хавотирлар ўзини оқламагани қайд этилган.
“Меҳнат бозорлари барқарорлиги яхши янгилик ҳисобланади. Одамларнинг иши бор, нархлар баландлигига қарамай, улар пулларини сарфламоқда. Бу иқтисодиётга ёрдам берди”, – деган Георгиева.
2022 йил 11 октябрда Георгиева 2023 йилда дунё иқтисодиёти ўсишини 2.9 фоиздан 2.7 фоизгача пасайтирганди.
