Ўзбекистон ЯИМ 10 йилдан кейин 160 миллиард долларга етади
Бу ҳақда Инвестициялар, саноат va савдо вазири Лазиз Қудратов Ўзбекистон-Сингапур форумида маълум қилди.
Ўтган йили Ўзбекистон иқтисодиёти 5 фоизга ўсди. Бу йил иқтисодий ўсиш 5 фоиздан ошиши кутилмоқда. Бу ҳақда Инвестициялар, саноат ва савдо вазири Лазиз Қудратов Ўзбекистон-Сингапур форумида маълум қилди.
“Яқин 10 йилда Ўзбекистон ЯИМ икки баробарга ошади ва прогнозларга кўра, 160 миллиард долларга етади. Хусусий секторнинг ялпи ички маҳсулотдаги улуши ҳам 80 фоизни ташкил этади. Биз ўз олдимизга 2030 йилга бориб мамлакатимизни дунёнинг ўртача даромадга эга давлатларидан бирига айлантиришни аниқ мақсад қилиб қўйганмиз. Бу мақсадларга эришиш учун бизда хоҳиш-ирода ҳам, имконият ҳам етарли”, — деди у.
Президент Шавкат Мирзиёевнинг Сингапурга ташрифи олдидан ушбу мамлакатда Ўзбекистон-Сингапур бизнес-форуми бошланди.
Эслатиб ўтамиз, Шавкат Мирзиёев 16-18 январь кунлари давлат ташрифи билан Сингапурда бўлади.
