Британия Украинага вертолётлар юборди
Бу сафар уларнинг сони маълум қилинмаган.
Буюк Британиянинг See King номли вертолётлари Украинага етиб келди. Бу ҳақда мамлакат мудофаа вазири Алексей Резников маълум қилди.
“Буюк Британиядан Украинадаги Қора денгиз бўйига вертолётлар етиб келди! Бу Украина ҳарбий-денгиз кучлари учун катта ёрдамдир. Ҳамкорлигимиз янада ривожланади”, — деб ёзган Резников ўзининг Twitter саҳифасида.
Вазир бу сафар Украинага келган вертолётлар сонини айтмаган.
Эслатиб ўтамиз, ноябрь ойида Британия ҳукумати учта See King қидирув-қутқарув вертолётларини Украинага ўтказишга қарор қилгани ҳақида хабар берилганди.
