0
Британия Бош вазири ўз дўстини ишдан бўшатди
У солиқ иши бўйича қонунларни жиддий бузган.
Буюк Британия Бош вазири Риши Сунак ўзининг ҳукмрон Консерватив партияси раиси Надхим Захавини солиқ иши бўйича жиддий қонун бузилиши аниқланганидан сўнг ишдан бўшатди ва ҳукуматдан четлатди.
Сунак Бош вазир лавозимига киришгач, Вазирлар Маҳкамаси барча даражада ҳалол, профессионал ва масъулиятли бўлишига ваъда берган.
Захави солиқ идоралари томонидан аниқланган қонунбузарликларни тан олди, бироқ унинг хатоси эътиборсизлик натижаси бўлганини айтмоқда.
Захави Буюк Британия Ғазначилигини 2022 йилнинг июлидан сентябригача, Борис Жонсоннинг Бош вазирлик фаолиятининг сўнгги ойларида бошқарган.
