Британиялик аёл ўзига хиёнат қилган эркакдан ўч олди
Аммо у адашиб бошқанинг уйини ёқиб юборди.
Британиянинг Гримсби шаҳрида истиқомат қилувчи аёл ўзига хиёнат қилган эркакдан ўч олиш мақсадида бировнинг уйини адашиб ёқиб юборди.
Гап шундаки, 57 ёшли Жени Энн Пекитт бор-йўғи икки марта учрашган эркакни бошқаси билан кўриб қолгани учун жазоламоқчи бўлган. Аёл уларнинг муносабатларини жиддий деб ўйлаган. У ғазабланган ҳолда эркак яшайдиган уйнинг почта қутисига ёнувчи моддага намланган латтани ташлади. Маълум бўлишича, аёл манзилда хатога йўл қўйган ва кекса ногирон кишининг квартирасига ўт қўйган. Уй эгаси жароҳатларсиз қочишга муваффақ бўлган, бироқ ёнғин натижасида мулкка катта миқдорда зарар етган.
Суд Пекиттни олти йилга озодликдан маҳрум қилди. Муддатидан олдин озод қилиш имконияти кўриб чиқилгунга қадар аёл жазо муддатининг ярмини ўташи керак бўлади.
