Британиялик ака-укалар 85 йил ўтиб бир-бирини топди
Улар бир-бирининг борлигидан бехабар бўлган.
Буюк Британиялик 87 ёшли Аллен Суинбанк ва унинг укаси Жон бир-бирларининг борлиги ҳақида 85 йил давомида билмаганлар. Улар шунча йиллик айрилиқдан кейин биринчи марта учрашишди.
Аллен онаси билан Ёркширнинг Шарқий Ридинг шаҳрида яшаган. Олти ойлигида отаси оилани тарк этган.
Алленнинг ўгай укаси, Шотландиянинг Фрейзербург шаҳрида яшовчи 85 ёшли Жон ҳам акаси борлигидан бехабар эди.
2023 йил бошида Жоннинг набираси Алленни оиласининг шажарасини тузаётганда топишга муваффақ бўлди. У эркакка қўнғироқ қилиб, бувасининг акаси эканлигини айтди. Жон ва Аллен яқин ака-ука эканликларини билгач, дарҳол учрашишди.
