АҚШ Россия ва Ғарб билан тенг савдо алоқаси бор давлатларга босимни кучайтирмоқчи
Экспертлар санкциялар Америка ташқи сиёсатининг асоси га айланганини таъкидлашмоқда.
АҚШ администрацияси Россия ва Ғарб билан савдо алоқаларини давом эттириш орқали “ҳар икки лагерда қолаётган” давлатларга босимни кучайтиради. Бу ҳақда Bloomberg ёзмоқда.
Нашр маълумотларига кўра, босим биринчи навбатда ушбу давлатларда жойлашган ва АҚШ билан алоқаларга эга компанияларга йўналтирилади. Ўтган ҳафтада Оқ уй вакиллари БАА ва Туркияда шу масалани муҳокама қилган. шунингдек, Вашингтон Пекин билан ушбу муаммо юзасидан музокара ўтказмоқчи.
“Сиёсий етакчи нейтрал ёки мувозанатни сақлаб қолиш сиёсатни қидиришга ҳаракат қилса-да, бу банк ёки компанияларга тўғри келмайди. Бу юрисдикциядаги хусусий фирмалар танлови янада очиқ кўринади. Бу биз танловни амалга ошириш учун ёрдам лойиҳамизнинг бир қисми”, – деган АҚШ молия вазири ёрдамчиси Элизабет Розенберг.
Бундан ташқари, Bloomberg Франция ғазначилигининг собиқ амалдори Агату Демарега таяниб АҚШ ўзи санкция жорий этган давлатларда таъсирини йўқотаётганини ёзган. Эрон, Куба, Сурия, Мьянма, Шимолий Корея ва Венесуэла, шунингдек, Россия ва Хитой санкциялар абадий кучда қолишига ишонади. Демаренинг сўзларига кўра, бу давлатлар чекловларга мослашиш ав савдо йўналишини ўзгартиришни устувор вазифа сифатида кўрмоқда.
Агентликнинг таъкидлашича, санкциялар Америка сиёсатининг асосига айланди.
“Биз Путин каби авктократларнинг ҳам ўз халқи билан жамоавий келишуви борлигига ишоняпмиз. Агар у беқарорлик ва ишончсизлик тарқатишда давом этса, кетма-кет мағлубиятлар унинг манфаатларига тўғри келмай қолади”, – деган АҚШ президентининг миллий хавфсизлик бўйича маслаҳатчиси ўринбосари Далип Сингх.
Россия Украина бостириб киргач, Ғарб давлатлари бир неча санкциялар пакетини жорий этди.
