Борис Жонсон НАТО бош котиби бўлиш ҳаракатида
У бу гал омади келишига ишонмоқда.
Буюк Британиянинг собиқ бош вазири Борис Жонсон Шимолий Атлантика альянси бош котиби лавозимига ариза беришини маълум қилди.
“Қадрли дўстлар, шундай режа борлигини алоҳида таъкидламоқчиман ва захирада шундай номзод борлигини ҳеч ким унутмасин, бу сафар омадим келади”, — деган у.
Шу билан бирга, Жонсон Италиянинг собиқ бош вазири Марио Драги НАТОнинг навбатдаги бош котиби лавозимига Европа Иттифоқи вакилини тайинлашни таклиф қилганини эслатди.
“Мен унинг фикрига мутлақо қўшилмайман. Менимча, Европа Иттифоқидан ташқарида бошқа номзодлар ҳам бор. У Европа Иттифоқидан бўлиши шарт эмас. Албатта, мен ўзимни номзод деб биламан. Бу яхши ва муҳим позиция”, — дея қўшимча қилди у.
Жонсоннинг таъкидлашича, НАТО ҳозир “ҳар доимгидек кучли” ва тез орада унга янги аъзолар – Швеция ва Финляндия ҳам қўшилади.
Эслатиб ўтамиз, аввалроқ Борис Жонсон Британияни Украинани қирувчи самолётлар ва танклар билан таъминлашга чақирган эди.
