Риши Сунак Жонсоннинг хатоларини тўғрилаяпти(ми)?
У Британия билан ЕИ ўртасидаги вазиятни юмшатди.
Риши Сунак Британия ва ЕИ ўртасида иқтисодий яқинлашув жараёнини ўрнатишга муваффақ бўлди.
Таҳлилчиларга кўра, собиқ Бош вазир Борис Жонсонга Брюсселда ишонч йўқ эди, аммо Сунак вазиятни ўзгартиришга эришган. Асосий воқеа унинг ўтган йили ноябрь ойида Европа Иттифоқи президенти Урсула фон дер Ляен билан учрашуви бўлди.
Вазиятни юмшатиш учун Сунак Жонсон томонидан Европа Иттифоқи билан шартномани бир томонлама қайта кўриб чиқиш учун киритилган Шимолий Ирландия бўйича протокол тўғрисидаги қонун лойиҳасини Лордлар Палатасида кўриб чиқишни тўхтатди. Ушбу ҳужжат Брюсселда “стол устида ётган ўқланган қурол” сифатида қабул қилинган ва бундай шароитда мулоқот қилишдан бош тортилган.
