Россиянинг нефть-газдан олган даромадлари 40 фоизга камайди
Бунга сабаб бўлган омиллар очиқланди.
Ғарб санкциялари ва чегара нархлар туфайли Россиянин нефть-газдан олган даромадлари 2023 йил январида ўтган йилнинг мос даврига нисбатан 40 фоизга камайган. Бу ҳақда Халқаро энергетика агентлиги ҳисоботида сўз боради.
Ўтган бир ойда углеводородлар экспортидан 18.5 миллиард доллар даромад олинган (таққослаш учун: 2022 йил январида бу 30 миллиардга тенг бўлган).
“Биз нефть-газ даромадлари яқин ойларда янада пасайишини кутяпмиз. Ўрта истиқболда эса технология ва инвестициялар қисқариши ортидан ўрта истиқболда у камайишда давом этади”, – деган Халқаро энергетика агентлиги директори Фатиҳ Бирол.
Кремль ўтган йили 146 миллиард евролик нефть-газ сотган. Бу йил эса бюджет тақчиллигини ёпиш учун халқаро захираларини сотмоқда.
ЕИ 5 февралдан Россия нефть маҳсулотларини денгиз орқали ташишни тақиқлади. Ўтган йилнинг 5 декабрда эса “катта еттилик” ва Евроиттифоқ давлатлари рус нефтига чегара нархларни белгилади.
