"Тез ёрдам" машиналари қайси вилоятда энг кўп?
Республика тез тиббий ёрдам маркази директори бу ҳақда маълум қилди.
“103” тизимида энг кўп тез ёрдам машинаси Самарқанд вилоятига тўғри келади. Ҳозир бу ҳудудда 316 та махсус тез тиббий ёрдам автомобили мавжуд.
Ундан кейинги ўринни 309 та автомобиль билан Фарғона вилояти банд этган.
Шунингдек, Андижон ва Қашқадарё вилоятларида “Тез ёрдам” машиналари сони 250 тадан, Тошкент шаҳри, Наманган, Сурхондарё ва Тошкент вилоятларида 200 тадан юқори.
Таъкидлаш лозимки, ҳудудлардаги тез тиббий ёрдам машиналари миқдори у ердаги аҳоли сони ва жойлашувига кўра тақсимланган.
