Тошкентда футболга 871 миллион сўм ажратилди
Бироқ пуллар айнан қандай мақсадда сарфланиши очиқланмаган.
Ўзбекистон футбол ассоциацияси президентининг хатига мувофиқ, Тошкент шаҳар футбол ассоциацияси томонидан тасдиқланадиган харажатлар сметаси ва штат жадвали харажатлари учун 871 миллион сўм ажратилган.
Пуллар айнан қандай мақсадга ишлатилиши очиқланмаган. Тошкент шаҳар маҳаллий бюджетининг 2023 йил давомида шаклланган қўшимча манбалари ҳисобидан ўтказилиши белгиланган.
Шунингдек, Шавкат Мирзиёевнинг 2020 йил 12 июнь куни Олмазор туманига ташрифи давомида берилган топшириқлар ва туманда жамоатчилик вакиллари мурожаат хатига асосан Тошкент шаҳар ҳокимлигининг “Маърифий тарғибот маркази" давлат муассасасининг иш ҳақи ва унга тенглаштирилган тўловлар, моддий техника базасини яхшилаш харажатлари учун 872,4 миллион сўм ҳам ажратилган.
