Шаҳзода Гарри отаси томонидан таҳқирланди
У қирол билан тож кийиш маросимида ўзининг иштирокини муҳокама қилмоқчи эди.
Кутилмаганда Буюк Британияга учиб келган шаҳзода Гарри ўзини таҳқирланган ҳис қилди. Гап шундаки, Associated Newspapers Limited билан суд жараёнида шахсан қатнашиш учун келган шаҳзода отаси қирол Карл III билан ҳам учрашишни режалаштирган эди. У қирол билан тож кийиш маросимида ўзининг иштирокини муҳокама қилмоқчи эди.
Аммо Гаррига унинг отаси жуда банд ва уни қабул қила олмаслиги айтилди. Инсайдернинг маълумотига кўра, шаҳзода бундай жавобни кутмаган эди.
Гарри қиролдан ўзи ва рафиқаси Меганнинг маросимда қолган қариндошлари билан бирга Букингем саройи балконида пайдо бўлишга рухсат сўрамоқчи эди. Чунки шаҳзода қироллик оиласидан чиққач, бу ҳуқуқдан ҳам маҳрум қилинган.
