“Евроиттифоқ Россияни ўз айби билан йўқотди”
Россия ТИВ раҳбари иттифиқни “нодўстона уюшма” деб атади.
Европа Иттифоқи ўз айби билан Россияни «йўқотди» ва энди Москва уни “нодўстона уюшма” деб ҳисоблайди. Бу ҳақда Россия ташқи ишлар вазири Сергей Лавров айтди.
“Европа Иттифоқи” Россияни йўқотди. Лекин бунга унинг ўзи айбдор. Европаликлар Киев режимини қурол-яроғ ва ўқ-дорилар билан «пуфлаётгани» ҳамда Украинага “инструкторлар ва ёлланма аскарлар” юбораётганидан шикоят қилмоқда.
Шу сабабларга кўра, биз ЕИни дўстона бўлмаган бирлашма деб ҳисоблаймиз”, — деди ТИВ раҳбари.
Лавровнинг таъкидлашича, “душманона қадамлар”га жавобан Москва керак бўлса, Россиянинг миллий манфаатлари ва дипломатик амалиётда умумеътироф этилган ўзаро муносабатлар тамойилидан келиб чиққан ҳолда қатъий ҳаракат қилади.
“Агар европаликлар қачондир Россияга қарши курашдан воз кечиб, Россия билан ўзаро ҳурматли мулоқотни маъқул кўрсалар, биз уларнинг таклифларини кўриб чиқамиз ва миллий манфаатларимиздан келиб чиққан ҳолда қарорлар қабул қиламиз”, — дея қўшимча қилади Лавров.
