Месси дунёнинг энг кўп маош олувчи футболчисига айланиши мумкин
"Ал-Ҳилол" Мессига расмий таклиф билан чиқди.
Леонел Месси ҳам дунёнинг энг кўп маош олувчи футболчиси бўлиш имкониятига эга. Журналист Фабрицио Романо хабарига кўра, Саудия Арабистонининг «Ал-Ҳилол» клуби вакили «ПСЖ» ҳужумчисига расмий таклиф билан чиққан. Бу йилига 400 миллион еврога тенг ақл бовар қилмайдиган маошга эга шартнома. Аргентиналик ҳужумчи таклифни қабул қилса, бу кўрсаткич бўйича Криштиану Роналдуни ортда қолдириб, дунёнинг энг кўп маош олувчи футболчисига айланади. Шу билан бирга, Мессининг ўзи учун устувор вазифа «Барселона»га қайтиш бўлиб қолаётгани таъкидланган.
Аввалроқ, аргентиналик футболчининг «ПСЖ» таклиф қилган янги шартномадан маоши сезиларли даражада камайганлиги сабабли рад этиши мумкинлиги маълум бўлганди.
