Қирол учун кимлар куйлайди?
Буюк Британиядаги тож кийиш маросимида кимлар саҳнада бўлиши очиқланди
Буюк Британия қиролининг тож кийиш маросими яқинлашгани сари тайёргарлик авжига чияпти.
Виндзор саройида бўлиб ўтадиган тарихий маросимда қайси санъаткорлар қатнашиши очиқланди.
Расмий маросимнинг эртасига, 7 май куни Британия ҳарбий-ҳаво кучлари томонидан 20 минг киши учун яна бир тадбир ташкил этилади. Унда Take That, Кэти Перри ва Лайонел Ричи каби машҳурлар чиқиши кутилмоқда.
Шунингдек, концертда Италия операси юлдузи Андреа Бочелли, Уэльс бас-баритони Брин Терфел, композитор-қўшиқчилар Алексис Френч ва Фрея Райдлиз куйлайди.
Кэти Перри концерт олдидан ҳаяжонда эканини билдирган.
Яқин кунларда тадбирнинг янги юлдузлари ҳам эълон қилинади. Миш-мишларга кўра, унда Адель ва Spice Girls ҳам қатнашиши кутилмоқда.
Эд Ширан, Элтон Жон ва Гарри Стайлз таклифни рад этган. Аммо ўтган ой қирол учун куйлаш истагини билдирган Snoop Dogg таклиф қилинмаган кўринади.
