Британияда бардаги ҳожатхонадан махфий ҳужжатлар топилди
Ҳужжатни бар мижозларидан бири топиб олган.
Британиянинг Камбрия графлигидаги бар ҳожатхонасидан "ҲМС Ансон" сув ости кемаси ҳақидаги маълумотларни ўз ичига олган махфий ҳужжатлар топилди.
"Бар гавжум кеча эди. У ерда ҳарбийлар ва оддий фуқаролар бор эди. Мен ҳожатхонага кирдим, ҳужжатлар кабинада ерда ётарди" — дейди уни топган шахс.
У ҳужжатларда Британия махфий штампини кўрган.
Унинг қўшимча қилишича, ҳужжатларда сув ости кемасининг ички қисми кўрсатилган.
"ҲМС Ансон" сув ости кемаси 2023 йил февраль ойида биринчи марта очиқ денгизга чиқди. У оғир торпедалар, шунингдек, «Томаҳавк» қанотли ракеталари билан жиҳозланган. Сув ости кемаси ядровий реакторда ва у 25 йил давомида ёқилғи қуймасдан ишлай олади.
