0
Самарқандда кўп қаватли уйнинг деразасидан тушиб кетган қизча тирик қолди
Қизалоқни 4 нафар мактаб битирувчилари қутқариб қолган.
Самарқанд ИИБнинг хабар беришича, 1 июнь куни вилоятдаги мактаблардан бирининг 11-синфини битираётган 4 нафар йигит сайр қилиб юришганда кўп қаватли уйнинг 4-қаватида боши панжара орасига тиқилиб, танаси ҳавода осилиб турган кичкина қизчани кўриб қолишади.
Шундан сўнг ўқувчилардан бири дарҳол қизалоқнинг ота-онасига хабар бериш учун уй томон югуради, қолганлариеса қизалоқ осилиб қолган балкон остида қўлларини чўзиб, тирик қутқарув панжарасини ясашган.
Қайд этилишича, ўқувчилардан бири зинапоядан югуриб чиқаётган пайтда, йигитлар пастга қулаб тушган қизалоқни тутиб олишади. Аниқланишича, онаси уй ишлари билан овора бўлган пайтда қизча балконга чиқиб қолган.
