Тарихда требл қайд этган жамоалар
Кеча “Манчестер Сити” ана шундай натижани қайд этди.
Кеча Чемпионлар лигаси финалида манчестерликларнинг бир қисми қувонган бўлса, иккинчиси қайғули ҳолатда эди. «Сити» «Интер»ни мағлуб этиб, афсонавий Алекс Фергюсон жамоасининг 1999 йилдаги ютуғини такрорлади. Гвардиола жамоаси Англияда треблни қўлга киритишга муваффақ бўлган “қизил иблислар”дан кейин иккинчи жамоа бўлди. Мураббийнингўзи иккинчи марта энг ажойиб мавсумни ўтказди. 2009 йилда Гвардиола «Барселона» билан треблни қўлга киритганди.
Бугун биз ушбу ютуқни қўлга киритган тарихдаги бошқа жамоалар ҳақида маълумот бермоқчимиз.
«Селтик» — 1966/1967
Давлат: Шотландия
Мураббий: Жок Штайн
Энг яхши тўпурар: Жо Макбрайд (35 та)
Биринчи Европа треблини Глазго жамоаси қўлга киритган. Ўша мавсумда жамоа Шотландия лигаси кубогини ҳам қўлга киритишди. Шотландия чемпионатида Жок Штайн жамоаси «Абердин» клубини мамлакат кубоги финалида мағлуб этишди, кейин эса Чемпионлар кубогида ғалаба қозонди.
«Аякс» — 1971/1972
Давлат: Нидерландия
Мураббий: Стефан Ковач
Энг яхши тўпурар: Ёхан Кройфф (33 та)
Афсонавий Ёхан Кройффдан илҳомланган ва тотал футболнинг энг яхши намуналарини намойиш этган «Аякс» ўшанда мавсум давомида 48 та ўйиндан атиги 1 тасида мағлуб бўлади. Амстердам жамоаси Голландия чемпионатидаги сўнгги 27 ўйиннинг 26 тасида ғалаба қозонган ва Ден Ҳаг кубоги финалида 3:2 ҳисобида ғалаба қозонган. «Аякс» Роттердамда Чемпионлар кубоги финал учрашувини ўтказади ва у ерда 67 000 томошабин иштирокида Кройффнинг дубли эвазига «Интер»ни мағлуб этишади.
«ПСВ» — 1987/1988
Давлат: Нидерландия
Мураббий: Гус Хиддинк
Энг яхши тўпурар: Вим Киефт (33 та)
16 йил давомида ҳеч бир жамоа треблга эриша олмади. Бу Европа футболидаги энг узун церийа эди. Ўшанда Гуус Хиддинкнинг бош мураббий сифатидаги биринчи тўлиқ мавсуми бўлди. Унинг шогирдлари чемпионатда «Аякс» 9 очко фарқ билан олдинга ўтиб кетиб мамлакат чемпионлигини қўлга киритади. Жамоа 34 та ўйинда 117 та гол уради. «ПСВ» Голландия кубоги финалида ишончли ҳаракат қилади. Чемпионлар кубогида голландлар 1/4 финал босқичидан бошлаб улар бирорта учрашувда ғалаба қозона олмади ва фақат меҳмонда урилган голлар эвазига кейинги босқичга йўл олишди. Шу тариқа улар «Бордо» ва «Реал»ни ортда қолдиришади. «Бенфика»га қарши финал ўйинида пенальтилар церийасида ғалабани қўлга киритади.
“Манчестер Юнайтед” — 1998/1999
Мамлакат: Англия
Мураббий: Алекс Фергюсон
Энг яхши тўпурар: Дуайт Ёрк (29 та)
“Манчестер Юнайтед” требл ютган биринчи инглиз жамоаси бўлди. Мавсумдаги ҳар бир турнирда “қизил иблислар” рақиблар катта устунликка эга бўлишди. Бу Алекс Фергюсоннинг фантастик жамоасининг ўзига хосликларидан бири эди. “Манчестер Юнайтед” Англия чемпиони унвонини фақат сўнгги турда қўлга киритиб, «Арсенал»ни бир очкога ортда қолдиради. Англия кубогида ҳам «иблислар» «Арсенал»дан бир бош устун эканликларини кўрсатиб қўйишди.
Чемпионлар Лигаси финалида «иблислар» яна бир бор ажойиб характер кўрсатишди. Ўша мавсумда «Бавария» ҳам требл учун курашаётган эди, аммо Шерингем ва Сулшернинг голлари ўйинни инглизлар фойдасига ҳал қилади.
«Барселона» — 2008/2009
Мамлакат: Испания
Мураббий: Пеп Гвардиола
Энг яхши тўпурар: Лионел Месси (38 та)
Пеп Гвардиоланинг «Барселона» бош мураббийи сифатидаги биринчи мавсумида унинг Лионел Месси бошчилигидаги жамоаси барчани ортда қолдириб, требл ютган биринчи испан клубига айланди. Каталонияликлар Ла Лигада 105 та гол уриб, иккинчи ўриндаги жамоани 9 очко билан ортда қолдиради. Испания кубогида «Атлетик»ни 4:1 мағлуб этиб, ишончли ғалабага эришади. Чемпионлар лигасида жамоа «Челси» билан ярим финалда “Камп Ноу”даги голсиз дурангдан сўнг “Стемфорд Бриж”да ўзларининг энг қийин учрашувини ўтказишади. Инестанинг сўнгги дақиқаларда урган голи испанларни финалга олиб чиқади. Римда бўлиб ўтган финал учрашувида «Барса» амалдаги чемпион “Манчестер Юнайтед”ни Eto‘O ва Мессининг голлари эвазига 2:0 ҳисобида мағлуб этади.
