Россия британиялик дипломатларнинг мамлакатда ҳаракатланишига чекловлар киритди
Россиядаги британиялик дипломатлар учун 120 километрлик эркин ҳаракатланиш зонаси белгиланди
Россия Ташқи ишлар вазирлиги Буюк Британиянинг Москва ва Екатеринбургдаги дипломатик ваколатхоналари оддий ходимларидан«“120 километрлик эркин ҳаракатланиш зонасидан ташқарида» чиқиб кетишлари ҳақида беш иш куни олдин хабардор қилишни талаб қилди.
Ташқи ишлар вазирлиги Россиядаги вақтинчалик ишлар вакили Том Доддни хабардор қилди, дейилади вазирлик баёнотида. Россия дипломатлари Доддга «Киев режимининг террористик ҳаракатларини қўллаб-қувватлаш қабул қилиб бўлмайдиган» эканлигини айтган (бу нима ҳақида эканлиги аниқ эмас —таҳрир).
Хабарномаларда саёҳат вақти, мақсади, тури ва маршрути, мўлжалланган иш алоқалари, ҳамроҳлик қилувчи шахслар, транспорт тури, ташриф жойлари ва турар жой каби маълумотлар бўлиши керак.
Хабар бериш тартиби дипломатик ваколатхоналарнинг юқори мартабали ходимлари — Москвада элчи, вазир-маслаҳатчи ва консуллик бўлими бошлиғи ҳамда Екатеринбургда бош консул учун тааллуқли эмас.
