Бу мавсумда "Сити"нинг рақиби ким?
Бунга Гвардиола жавоб берди.
"Манчестер Сити" бош мураббийи Пеп Гвардиола футболчилари АПЛ чемпионлиги учун қайси рақиб билан курашади, деган саволга жавоб берди.
“Ким билан олтин талашамиз? Албатта, "Ливерпул" билан бирга. Унга ким даъво қилишини таҳлил қилиш учун сиз дастлабки 10 та ўйинни баҳолашингиз керак. Ҳали 10 та ўйин ўтказганимиз йўқ. Биз кутишимиз керак, лекин йирик клублар доимо чемпионлик учун давогарлар қаторида бўлишади", - деди Гвардиола
"Манчестер Сити" Англия Премьер-лигаси турнир жадвалининг биринчи поғонасида, Пеп Гвардиола жамоаси 7 турдан кейин 18 очкога эга. Премьер-лиганинг навбатдаги ўйинида Манчестер жамоаси Лондоннинг "Арсенал" жамоасига қарши ўйнайди, учрашув 8 октябрь куни бўлиб ўтади.
