Лука Модрич "Реал"дан кетади
Футболчи раҳбариятдан январь ойида уни сотиб юборишини сўрайди.
Жорий мавсумда 37 ёшли футболчи атиги 4 марта асосий таркибда майдонга тушди. Ўйинларнинг 66 фоизини захира ўриндиғида бошлаган.
Хабарларга кўра, баҳорда "Реал" билан шартномани узайтирган Модричга асосий таркибдан жой ваъда қилинган. Бироқ, ҳозир Лука "Реал" сафида майдонда ўтказилган вақтлар бўйича 15-ўринда турибди.
Терма жамоалар ўйинларидан сўнг Модрич келажаги борасида бир қарорга келади. Хорватиялик футболчи ноябрь ойидаги ўйинларда асосий таркибда майдонга тушмаса, раҳбариятдан январь ойида уни сотиб юборишини сўрайди.
Ҳозирда хавбек атрофидаги вазиятни МЛС ва Осиё лигаси клублари кузатиб бормоқда. Шунингдек, Лука кам ўйин амалиёти эвазига ҳам "Реал"да қолиши мумкин.
