COVID-19 аломатлари 1 йилгача сақланиб қолмоқда
Аломатлар чарчоқ ва танадаги турли оғриқлар билан кечади.
Англиядаги минглаб беморларда COVID-19 аломатлари юқтирилганидан кейин бир йилдан кўпроқ вақт ўтгач давом этмоқда. Бу ҳақда Лондондаги Империал коллежи олимлари маълум қилди.
Улар инфекцияга чалинган 250 минг кишининг соғлиғи ҳолатини таҳлил қилишди. Натижада респондентларнинг деярли 8 фоизи 12 ҳафта ёки ундан кўпроқ давом этадиган доимий аломатлар ҳақида хабар беришди.
Аломатлар чарчоқ, диққатни жамлашда қийинчилик ва турли жойларда оғриқлар билан кечади.
Пандемиянинг бошида биринчи марта касаллик юқтирган одамларда кейинчалик юқтирганларга қараганда, инфекция аломатлари кўпроқ давом этади. Бу шуни англатадики, вирусни эрта юқтирган одамлар саломатлик билан боғлиқ муаммоларга дуч келишади.
