Ҳиндистонда иккита поезд тўқнашиб кетди
Қурбонлар ва жабрланганлар бор.
Ҳиндистонда 13 киши поезд ҳалокати қурбони бўлди, яна 18 киши жароҳат олди ва касалхонага ётқизилди.
Ҳалокат Андхра-Прадеш штатида юз берган. Йўлда кетаётган поезд бошқа бири билан тўқнашиб кетган.
Бош вазир Нарендра Моди воқеани темирйўл вазири Ашвини Ваишнав билан муҳокама қилди.
“Ҳокимият жабрланганларга ҳар томонлама ёрдам кўрсатмоқда. Бош вазир ҳалок бўлганларнинг оила аъзоларига ҳамдардлик билдиради ва жабрланганларнинг тезроқ соғайиб кетишини тилайди”, — деб ёзди ҳукумат раҳбари ижтимоий тармоқларда.
Жабрланганлар маҳаллий шифохоналарга етказилган ва уларга барча зарур тиббий ёрдам кўрсатилмоқда.
